Magnśs Mįr Magnśsson
 

Nżįrskvešjur

 

Fjölskyldan í Grundartjörninni sendir öllum ættingjum og vinum bestu nýárskveðjur
með von um að árið 2008 verði gæfuríkt og skemmtilegt.

Lífið fer nú bráðum að taka á sig hina hefðbundnu mynd. Eins og maður hlakkar til jólanna þá er líka gott þegar hversdagurinn tekur aftur við. Undirritaður hefur vitanlega ekki kunnað sér hóf í mat og drykk og bumban orðin óþægilega stór. Mikil fyrirheit hafa verið gefin um að nú skuli þessari óheillaþróun snúið við.

Áramótin gengu vel fyrir sig. Að þessu sinni var fjölskyldan ein í kotinu. Ragnar Fannberg sofnaði um kl. 9 en um kl. 11.30 leit ég aðeins inn til hans og þá sat garpurinn í rúmi sínu , leit á föður sinn og sagði; "læti úti". Hann kom því fram og fékk að fylgjast með flugeldunum úr stofuglugganum. Þetta þótti honum merkilegt enda mikill ljósameistari. Á myndinni hér að neðan sést vel hve einbeittur hann er og hissa yfir þessu öllu. Ég er búinn að bæta við myndum inn á myndaalbúmið sem teknar voru eftir aðfangadag, en fyrir voru þar myndir frá aðfangadegi. Smellið hér til að skoða.

 
   
 

 RagnarAramot.jpg

 
   
 

 Aramot2.jpg

 
   

Leggja orš ķ belg
Enginn hefur lagt orš ķ belg!