Magnús Már Magnússon
 

Fjölskyldan

  MMM/mmm5.jpg

Magnús Már Magnússon: Ég er fæddur á Akureyri 9. apríl 1964, elsta barn foreldra minna, þeirra Magnúsar Aðalbjörnssonar og Rögnu Bjargar Magnúsdóttur. Ég á tvö yngri systkini, Hönnu Guðrúnu hárgreiðslukonu á Akureyri, og Birki Má, lögfræðing hjá sýslumannsembættinu á Sauðárkróki. Ég gekk hinn hefðbundna menntaveg og að loknu grunnskólanámi fór ég í Menntaskólann á Akureyri. Að loknu stúdentsprófi ákvað ég að hvíla mig á námi og réð mig sem kennara við lítinn heimavistarskóla í Bárðardal í Suður-Þingeyjarsýslu. Veturinn eftir lá leið mín í Háskóla Íslands þar sem ég lagði stund á íslensku og ensku. Árið 1990 flutti ég til Blönduóss og hóf að kenna við Grunnskólann þar. Á Blönduósi dvaldist ég í tvo vetur. Næst lá leiðin til Selfoss og þar eignaðist ég son minn Bjarka Má, árið 1996.Fyrstu ár mín á Selfossi vann ég hjá sveitarfélaginu sem umsjónarmaður æskulýðsmála og starfsmaður atvinnuþróunarnefndar Selfoss, síðar Árborgar. Ég lauk námi í kerfisfræði árið 2001. Ég hef einnig kennt við tölvuskóla (NTV) um nokkurra ára skeið. Ég hóf að kenna við Vallaskóla á Selfossi í upphafi árs 2003 og kenndi til maíloka 2008. Þá flutti fjölskyldan í Ásakórinn í Kópavogi og ég hóf störf í tölvudeild Straums Burðaráss fjárfestingarbanka. Áhugamálin eru fjölmörg. Ljósmyndun var lengi í uppáhaldi en síðar tók vídeóvélin við, sérstaklega eftir að unnt var að vinna myndirnar í tölvu. Ég hef mikinn áhuga á tölvum og jafnframt eiga bækur, tónlist og íslensk náttúra upp á pallborðið hjá mér.

Vorið 2004 kynntist ég Guðbjörgu Oddsdóttur, en hún er samkennari minn við Vallaskóla. Við hófum sambúð og trúlofuðum okkur í Hollandi hinn 14. júní sama ár. Um haustið keyptum við okkur hús að Grundartjörn 7 á Selfossi. Þetta var svo allt saman fullkomnað hinn 26. mars 2006 þegar við eignuðumst soninn Ragnar Fannberg

Senda póst

  
     
  MMM/go.jpg

Guðbjörg Oddsdóttir: Guðbjörg er fædd í Reykjavík 20. mars árið 1972, dóttir Odds Vilbergs Péturssonar (d.1995) og Rögnu Kristínar Jónsdóttur. Að grunnskóla loknum hleypti hún heimdraganum og fór í Menntaskólann á Egilsstöðum. Eftir stúdentspróf fór hún í Kennaraháskóla Íslands og útskrifaðist þaðan árið 1995. Að námi loknu kenndi hún fyrst í stað í Laugarnesskóla en árið 2001 flutti hún til Selfoss með börnin sín tvö, þau Karlottu og Odd Vilberg og hóf að kenna við Vallaskóla. Hún fer að kenna við Hörðuvallaskóla í Kópavogi haustið 2008.

 Senda póst

  
     
  MMM/karlotta.jpgKarlotta Sigurðardóttir, fædd 19. mars 1997, dóttir Guðbjargar af fyrra hjónabandi  
     
  MMM/oddur.jpgOddur Vilberg Sigurðsson, fæddur 22. ágúst 1999, sonur Guðbjargar af fyrra hjónabandi.  
     
  MMM/ragnar.JPGRagnar Fannberg Magnússon, fæddur 26. mars 2006, sonur okkar Guðbjargar.  
     
  MMM/bmmgitar.gifBjarki Már Magnússon, fæddur 31. janúar 1996, sonur minn úr fyrri sambúð.  
     

Leggja orð í belg
Enginn hefur lagt orð í belg!